اقتصــــــــــــــــــــاب

بسم الله الرحمن الرحيم
اخوتي الشباب
في جميع مضارب الحياء وخاصة في سودانا الحبيب
اخوتي هلت علينا في هذه الفتره الاخيره ظاهرة اقتصاب الاطفال المهم في الموضوع
انه بدات هذه الظاهره في الفترات الاخيره في الزياده بل اني اصفها بانها اصبحت موضه في سوداننا الحبيب
ففي كل يوم وانا اتصفح صفحات الجرايد اليومية الاقي لي خبر( اقتصبت الطفله ....* واقتصبت الطفله.... و و) فابدو غير عاديآ اين نحن وما هذه الافعال التي بدات دخيلة علي مجتمعنا الفاضل الكريم التقي ولماذ كل هذا لماذ الاطفال باصقر شي بعيدآ عن الفكره الاكبر هل لانه لاحول لهم ولاقوه لماذ بدا هول الناس بهتك فلزات اكبادنااااااااا والله حرام وهذه الشرزمه من المجتمع لابد ان يضعو لها ماده رادعة واحكام قويه حتا تكون عظه وعبره لهم ولي الزين يحاولون ان يعفعلو مثل هذه الاشياء القبيحه فاذ لم يكن هناك ماده بعيناها في القانون تنص علي هذه الافعال الشريره فليكون الحكم عليها قوي ورادع ام ما الحلل
هل نترك اطفالنا في الديار وهم لهم المدارس وغيره ام نحنا بعيننا نترك شغلتنا ونقعد قصادهم حتي نحميهم اين نحن نحن ليسو في غابه او منطقه شبيهه بها نحن امه مكرمه ونخاف الله رب العالمين فهل من مجيب
نبيـــــــــــــــــــــــل

سلامو عليكوم اخي نبيل


موضوعك جد داير وقفه وكوبايه جبنه تقيــــــــــــــــــــــــــــــله عشان الناس تتكلم


فيهو بس انتا ما سئلت نفسك الخلا الناس ديل يبقو زيئب بشريه شنو؟؟؟؟؟؟؟؟؟؟


انا غايتو ما عندي ليهم اي سبب يخلي الواحد يرتكب جريمه


زي دي خاصه انو انحني في زمن ما يعلم بيهو الي الله زمن الحاجه دي


متوفره فيهو بيصوره تخوف لاكين نسئل الله السلامه لي جميع بنات المؤمنين


وربنا يرفع البلاء ده من بلادنا وبلاد المسلمين جميعاً وكل الاطفال والكبار


برضو والله ...........الناس تتعفف والله احسن ليها ............


والتربيه برضو ليها دور في المسئله دي الناس فكت التربيه في البيوت خلو


المدارس تربي براها وتربيت المدارس ما كيفايه صح د ه لو من الاساس


زول زي ده خشي مدرسه؟

يا عركي فعلا في امهات كتاااااااار مش بطلوا اشغالهم وبس حتي بطلوا المجاملات والزيارات عشان يقعدوا يحرسوا اطفالهم في البيت وقالو الداير يزعل منهم علي عدم الجية يزعل احسن من يجي يزعل معاهم وقت اطفالهم يتازوا

يا جكنون نحنا بقينا قاعدين في شيكاغو قبال كم يوم في محل اسمه مؤمن في شاع المطار الراجل نزل يشتري العشاء خلي مرتو وولده في العربية بره جو شباب جدعو المرة والولد بره العربية وسرقوها (كتر خيرهم خلو ليه اولاده)
وقصة حصلت في امبدة شاب برضو اتشاكل مع امه الراقده في السرير ولما زهج منا جاب انبوبة الغاز وفتح الغاز وداير يحرقها لمن كوركت الجيران جو والولد حسي مسجون
تتزكرو لما كان بيجي حرامي زمااااان ومعاه سكينة ويضرب بيها زول من ناس البيت السرقو
دي بقت قصة قديمة وما اكشن
بقت عندنا انواع واشكال من اساليب الجرائم احتمال فاتو بيها الامريكان زاتهم
بس الله يحفظ اطفالنا من عديمي النفوس ويغطي الاخوان والاخوات والامهات والاباء

اذا ذهب الدين ذهب كلو شيئ

يا جكنون استغر واقيف ع كلامك الفوق ده شوية الدين بيصلح الاخلاق ما العكس
قال تعالي
(ولا يغير الله ما بقوم حتي يغيروا ما بانفسهم

الناس لو بتخاف الله وماسكه في دينها كويس هنا بتكون في قمة الاخلاق
الاسلام يا احمد قائم علي عناصر ثابتة بتمكن الانسان من استيعاب تغيرات الحياة بازمانها المرتبطة بيه
وبالحدود والضوابط الفرضها عليه الدين واللي علي راسها القيم الاخلاقية لانها مرتبطة بالانسان والفطرة البشرية
قال تعالي (وتلك حدود الله فلا تعتدوها ومن يتعد حدود الله فاؤلئك هم الظالمون

هدانا الله واياكم الي ما يحب ويرضي

يا شباب فصباحكم فل وتكية ضل الموضوع دا انا لمن طرحتو عشان الناس تقدر تشوف ليها حل مش عشان نختلف ويكون بيناتها جدل الناس تروق النمقة حبة وتشوف البحصل شنو؟
نبيل احمد علي العركي

الله لا يجيب الجدل انا متاكدة انه جكنون حيقبل انتقادي لاننا في الاخر اخوان ومصلحتنا واحدة انه الله يساعدنا نمشي بالبلد لقدام ولا شنو يا جكنون؟؟
معليش يا احمد لكن بس انا لقيتك زعلت شديد من الموضوع واظنك انت حسيت انه المغتصبة ممكن تكون اختك او بتك وانت شكلك راجل فاهم وكنت حتدخل في حتة غلط ممكن تجرك لكفر وحبيت انبهك بدافع الخوة ما اكتر

يااااااا نبيل ما تشعلل النيران وازا سمحت عدل كلمة اقتصاب الي اغتصاب
وانت قلت دايرين نشوف حل انت في رايك الحل شنو ؟؟؟؟؟

مشكورين

يا ام حاجه كدا ما قدره اقراها ؟
انا ماعايز اشعل النيران معاز الله بين وبين النيران التي تشعل واتمني ان تكوني عارفه معني كلمة اشعلته النيران ودي كلمه كبيرة وجرحتي بيها مشاعري اديتيني احساس اني دسيسة بينكم وداير اعمل زعل وانا ماعود كبريت عشان اشعل لي نار ولا خشبة ولا بنزين وخلافة... المهم دي حاجه والحاجه التانية انا عربي شديد كدا ماعندي وفي كلمة اقتصاب دي ما كان هاميني معناها الكتابي او كتابته بي شكل صحيح واتعاملته معاها بي زبدة الموضوع او بشكل الموضوع العااااااااام ((( جلا من لا يخطا )))
مشكوره علي ردود الفعالة ...........؟

انا لوكان عندي حل كنتة اكتفيت بي الموضوع دا لي نفسي وحليتو علي حسب فهمي والايد الواحد ما بتصفق..........؟

مشكور اخي نبيل للاهتمام
ام طـــل الحاجة الما عرفت تقراها دي

ما علينا
انا ما قصدي اجرح مشاعرك بالعكس كان قصدي المزح عشان ابعد اي محاولة بدرت عني بدون قصد لاثارة الجدل
لك العتبي اخي حتي ترضي
زمعليش تاني انا ما قصدي انك ما بتعرف عربي لاني ما في وضع الحكم بس موضوعك مهم وكتابة الحرف ق بتخلي العنوان ما واضح وانت عايز الناس تدخل وتشوف حل
بعدين يا نبيل انا شايفة انه الحوار بدا يبعد عن الغاية الاتعمل عشانها الموضوع
ونحنا كده حنجر نفسنا الي جدل عقيم
ان شاء ازا فعلا الموضوع ده ممكن يتحلا يكون من منتدانا علي ايدك
وفقنا الله واياكم الي ما يحب ويرضي

اوكي حصل خير ومافيش مشكلة وانا اصلآ ماكنتة راجي منك رد واعتزار علي الكلام القلتيهو بس هو في النهاية راي من بين الف راي ويجب علي ان ان احترم رايك والرد عليكي ومافيش زعل اصلآ وفي النهاية بيكون سوء تفاهم وكداااااااا مع عاطر تحياتي نبيل

السلامو عليكوم ورحمه الله وبركاته حبايبي الحلوين اهلاً جوني


ونا ما قيل يومين زي ديل بيطفيشوني واجي الاقي الناس


تتقاتل وكده


بس المهم والاصعب الحصل شنو ؟


الناس ما لقت حل برضو ..

ده عيب السودانيه ((يسيبو الفيل ويطعانو في ضولو)) عربي شنو


وشكل شنو بليل ده....

يا نبيل انتا اتكلمتا عن اخلاق بتاعت شعب كان بيضرب بيها

المثل بين الناس ضاعت والضيعه شنو ؟؟

ده كان السئل صح؟

هسي الناس قالت ليك نمسك في دينا عوجه ما بجيني

قولنا دين بلا اخلاق ما نافع ..... الناس فهمت غلط

شن فايدة الدين والاخلاق زباله ده كلام انا قولتو من الشوفتو في

شبه القاره الهنديه خير ...

اكبر تجار بتاعين خمور في البلد الموسلمين ... اكبر تجار بتاعين

دعاره مسلمين .... اكتر ناس بتبيع اعضاء مسلمين والكلام ده في

مومبي القريبه دي (مومبي دي مدينه في الهند)

وكلام ده انا ما جايبو من راسي اسئلو واقرو عن الهند الكلام ده

معرووووووووووووووف ولا يخفي علي اي انسان.....

هسي الحل شنو تعالو نخة الكوره في الارض ونشرب لينا فنجان

قهوه خالي سكر ونشوف الحاصل شنو

جهزت القهوة ؟؟؟
نحنا جايين
نبيل انت وين؟

ليس كل الجرائد جرائد وليس البلال الطيب من الصحفيين السودانيين ..
بطل قراية الدار .. ورحم الله محمد طه محمد أحمد وأمد أيام اسحاق أحمد فضل الله.
وشكراً.
فخري ود نفيسة

سلام يا ناااااااااااااااس
شايف الناااااااااااس خلت الموضوع ومشت تشرب الجبنه
ههههههههههههه بس ماتكون جبنة حبشييييييييييييية

جبنه شنو ياعارض امشي اشرب ليك كوبايه شاي بي لبن ورقد نوم


ده كلام ناس كبار روح اقري العب بعيد يلا

خلي الناس الكبار يتونسو

مشيت شربت شاييك ونمت ؟؟ ولا لا يا فشفاش

ممكن نرجع جادين ونفكر لو ممكن نحل الموضوع ده ؟؟؟
الجبنة انا جهزتها لكن كل واحد يجيب معاه فكرة حل

نبيل لا اسكت الله لك حسا!!

وبالمناسبة يا ود نفيسة ده ما كلام جرايد ولا كلام جريدة الدار بالتحديد
انت شكلك ما جيت السودان طولت
لكن اسال اي زول من اهلك الفي السودان عن قصة الطفلة زات الاربعة سنوات مرام الاغتصبوها 3 عزابة جيرانهم
وحسي اعدموهم

وغير مرام كتييير الاهلهم داسين الموضوع بعيدا عن الجرايد

ابني نبيل ...

نبيل عندما أقرأ اسمك أتذكر فكتور هيجو ورجل نبيل وأحدب نوتردام والبؤساء

أما أم حاجة كده ما عرفته تقراها تجدها في كتاب الله في سورة الواقعة (سورة الرزق).

يا أم طل أنتي أم طل ومزن وله طل بس؟؟