اها الراي شنو؟؟

والله يا اخوانا انا ماعارف دي مشاركه مني ولا بكا ساي ولا شنو ما عارف لكن داير كل واحد ينزل لي اكتر اغنيه بتعزبو وخلو لي التحليل
واسي دي الاغنيه المجهجهاني ومعذباني وداير كدي واحد اسي يحللني



لقيتو واقف منتظر تشتاق عيوني لطلعتو
نفس الملامح والشبة .. والمشية زاتا ووقفتو
اللهفة والتوب والقوام واوصاف حبيبي وروعتو
تاريهو يا قلبي الحنين
راجيك بي شوق السنين
ياربي واقف من متين ؟
لكن اه يخلق من الشبه اربعين

من كم سنة لا هو عارف لا انا
سايقني في بحر انتظار ما عدي في ليلو الهناء
واعدني بي لحظات شجون
تشتاقا كل الامكنه
وانا في مسار الشوق لقيت
ميعادو فرهد كم سناء
ياربي جيت قبل الميعاد ولا الزمن غفلني زاد
قصة يغيب ما اظن تكون ولا اظن تدور يوم في اعتقاد
جاييهو من مشوار بعيد
كايس عليهو بلاد بلاد
مرسالو لي دائما يقول
القاهو في نفس الميعاد
انا ديمة يا اجمل ميعاد راجيهك وانت علي تطول
امشي واكوس في كل بيت
واسال صحابك وكل زول
ويقولوا لي هنا هسة كان
عنك بيسال وليك بدون بدور
والقاهو في نفس الميعاد
ما اظنو تاني علي يطول
[hr]

اخي مهيلم لا شك في ان الرايع الطيب عبد الله شخصية جميلة وهي اغنيه اصلآ جميله خالص وكلماتها رقيقه شديد
بس زولك المنتظر دا ماتخلي واقف كتير خلي يقد وينتظر هههههههههه
صدقني اغنية جميلة

أها دا الراي يا جنا .. وحسنك ما أمر

أغالط نفسي في إصرار .. وأقول يمكن أنا الماجيت
(يمكن تكون ماجيت .. يكون دا خيال ساكت).

تعال بكرة أو بعد بكرة ..
(جرب انتظر الليلة وبكرة وبعد بكرة يمكن تلقاه بدل يقولو ليك هنا هسه كان).

أعاين فيه واضحك واجري وايجهو راجع ..
(يمكن زايغ منك وبضحك عليك .. ويمكن أكون في حقك اتلومت في ساعة ملام).

أناديلك .. ولا تجيني .. واتمنى تناديني .. واستنى اتاريني .. بناديلك في خيالي.

وجمعت باقات الزهور هنا .. ولكم بأزهاري تزينتِ ..
ألقيتها بجوار مقعدنا الخالي .. حزيناً إذ تخلفتِ

رميت الورد طفيت الشمع يا حبيبي .. والغنوة الحلوة ملاها الدمع يا حبيبي

دا تحليلنا لي حالتك.
فخري ود نفيسة

دا الجزء المعذبني
من غنية للفنان عبده الصغير .. المخرج الإذاعي المختفي.

يا ذاتي من عبر القرون ..
جيتك أنا شايل معاي شوق السنين مسدار غنا
جيتك محب بي كل كلمة منغمة ..
وحي القوافي تناجي ليك وقتين أدور أكتب كلام للقمرة في ذكراك أقول
سر الغيوم مليانه خوف ..

أو

وأيضاً للفنان عبده الصغير ...

يا مواسم توهيني وزيدي في عيني أساها ..
ما دروبي بدون عيونك ماشه في سكة متاهه
الغريب من قبلك انتي ما لقيت دروب محنه
لا عيون بكت عيوني ولا خطاي تاهت مظنه
إلا فيك أنا روحي تاهت والقليب بي ريده جنه
يا عيون ذوبني ريده شوفي لي سكة سلامه
انتي في رحلة عمري كله باقية في دنياي علامه
اصلي عايش في حماكي خطوي من دونك ملامه

حلل دي ..

وبرضه لعبده الصغير ..

كيفن كيفن ما بريد الليل وكت يرتاح على الكتفين
تناجي ظلاله بتنادي عيون بترجع التايهين
أقيف أنا فيه واتأمل أتوه يجرفني ليه حنين
أريتني أنا فيه لو أغرق وأضمك يا صباح العين
تعالي وجيبي أشواقك تلقي فرحنا راجيك
أملنا معاه بتجدد يميكن قبال نلاقيك
بيبهجنا ويفرحنا يسافر جوة عينيك
وحنانا الليل با بقدر يلاقي زمن يلاقيك
ويقول ليك كيف أنا ما بريد الليل وكت يرتاح على الكتفين

فخري ود نفيسة