صقور الجديـــــــــان ( غـــــــــانا)

منز فتره ليست بلبعيده كان جميع السودانين فرحانين ببلوغ منتخبنا الوطني الي تصفيات ونهايات الامم الافريقية وكنا نتمني لهم القدم ورفع علم السودان عاليآ في الغالب والغالب كنا معهم وهم يسطرون علم السودان وان يرفعو رايتنا .....
وكان المنتخب لدية كافة الفياة من اللاعبين الزين لديهم الخبره في الدوري السوداني وانا لا اكون منحاذ الي فئة معينه منهم في المريخ او الهلال او المورده او قيرهاااااااااا .... فكلهم في النهاية يمثلون الســـــــــودان الكبير .....
كانت البداية مع منتخب زامبيا هذا المنتخب الزي لا اطلق عليه بلضعيف امامنا ولاكن كان لديهم فكرة ان هذا المنتخب ضعيف وانهم سوف يحسمونه من اول المباره ولاكن كانت ال3 اهداف في مرمانا وقلنا خير وجات الكوره التانيه مع منتخب مصر وكلنا كان لينا امل في انو حتكون كوره ما حصلة عشان عارفين العدواه مع مصر كرويآ وهم في النهاية ابناء النيل مثلناااااااااا وبرضو خسرناااااااااا 3
وجات كورة البطل الكاميرون وبرضو 3 فينا
يعني منتخبنا اتصدر المجموعه بي 9 اهداف في مرمانا الله يكون في العون
طيب
الناس ختت الهزايم علي حساب الرايع الكابتن محمد عبد الله ماذدا وانا شايف انو ممكن يكون غلط بس ما نحملو الخساره كلها فهو في النهاية له الشكر عشان اتحمل مسالة كبيره زي دي واسبت انو هو سوداني 100 ال 100 طيب في فكري انا الخسارة دي جات كيف

طيب نحنا والله بعد ما شفنا الكوره الافريقية دي انا عرفته تمامآ انو السودان بعيد جدآ عن هذا المنوال وان الكوره التي يلعب بيها الافارقة كوره سريعة جدآ ولديهم لياقة عالية ونحنا اولادنا عندهم لياقه لاكين كباااااار بلجد كبور خلاص
طيب
جميع المنتخبات المشاركه عندهم الاعب الكبير في السن لاكين ما مركزين عليهو شديد ومعظم الفرق التي شاركة مشاركة بي عناصر شابة ومعظمهم من الشباب الصقار وقبل دا كلو ناس الدولة ساعدوهم وحفزوهم وادوهم الطموح الثقة في نفسهم نحنا هنا قبل كاس الامم الافريقية كان عاملين خدمه في التلفونات عشان ترسل رصيد بي 100 جنية سوداني مساعده للمنتخب الوطني طيب الناس ماقصرة ورسلت الرصيد ووصل والمنتخب سافر لي اسبانيا عشان يستعد ومامعروف مشو عملو هناك شنو
المهم سافر وجا راجع وتاني سافر لي غانا للمباريات وجونا راجعين بي 9 اهداف في مرمانا
طيب
ليه نحنا في السودان ما بتيح لي العناصر الشابة الظهور مع المنتخب الوطني في المباريات الغير رسميه علي اسواء الفروض
ج/ الناس ديل ما عندهم خبره
طيب لمن مايلعبو مباريات ضغير ه الخبره حتجي من وين
ج/ نحنا عندنا الناس البتقدر تلعب وتشيل المبارة
يا ناس دا ما كلام
نحنا لازم نسجل عناصلر شابه في منتخبنا الوطني وما تكون محصوره بين هلاال ومريخ
هسي كان جيت لي التشكيله بتاعت المنتخب
المعز محجوب
ريتشارد جاستين
عمر بخيت
موسه الزومه
حموده بشير
علاء الدين جبريل
علاء الدين يوسف
كرنقو
سيف مساوي
هيثم مصطفي
هيثم طمبل
فيصل العجب
علاء الدين
وغيرهم
...........................
طيب شايفين بقت محصوره بين هلال مريخ فعلآ
اين المورده اين الاهلي مدني اين جزيرة الفيل اين التاكا كسلا واين واين واين
في الختام
نحنا لازم نجيب في المنتخب عناصر شابة وحتا لو ماعندهم الخبره يلعبو هنا عشان يتعلمو ويكون ليهم شان في المستقبل
ولا كلامي دا غلط
مع خالص احترامي للجميع
نبيــــــــــــــل احمد علي

مشكوووووووووووووووووووووووووووووووررررررررررررر