حلم العالم الناس تتسالم .... والبني آدم صافي النيه
 
الرئيسيةالبوابةاليوميةمكتبة الصورس .و .جبحـثالأعضاءالتسجيلدخول

شاطر | 
 

 جواب من محسيه لي بتها‏

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سالم
ــــــــــــــــــــــ
avatar

عدد الرسائل : 58
رقم العضوية : 1
تاريخ التسجيل : 08/04/2008

مُساهمةموضوع: جواب من محسيه لي بتها‏   السبت أبريل 12, 2008 2:39 am

بتي العزيزة كيفنك
بكتب ليك بعض الكلمات لتعرفي أنني بكتب ليك. ولو وصلتك رسالتي دي، ده معناهو رسالتي وصلتك لو ما وصلتك أضربي لي ، عشان ارسلا ليك تاني. يا بتي انا بكتب ليك برااااااحة عشان عااارفة انتي ما بتقري سريع.

حبيبة قساي
أبوك قرا في الجريدة أنو غالبية الحوادث بتحصل جمب البيت، وعشان كدة قررنا أن نرحل في شقة جديدة. البيت حلوووو فيهو غسالة ، بس مشكلتي ما عارفاها شغالة ولا لأ. البارح ختيت فيها عراريق أبوك سحبت الخيط الفوق الغسيل كلو يا بت أمي ما لقيتو! عشان كدة كلمتا أخوك يجيب لينا كتلوجا.

الجو هنا أووووو مقدرة الأسبوع الفات المطرة كبت مرتين بس،المرة الأولى كبت ثلاثة يوم والمرة الثانية 4 يوم.

حبيبتي

بالنسبة لي فنيلة الصقط حقتك الكنتي بتفتشي فيها خالك يوسف قال انو اذا انا رسلتها ليك بي زرايرا دة بكلفنا كتير حبيبتي لأنو زرايرا ثقيلة شديد ، عشان كدة قلعتهم ليك وختيتم في جيب الفنيلة.

وبالمناسبة أبوك يايمة أشتغل زي العجب تحته حكاية 500 زول تصوري، أييي يا بتي ما هو بنضف النجيلة في المقابر.

اختك منى اتزوجت قالت عاملة ليك مفاجأة حلوة لمن تضرب ليك الأسبوع الجاي . ولكننا ما عارفين لسة الفي بطنا جنسو شنو عشان كدة ما بقدر أوريك انك حتبقي خالة ولا عمة. على فكرة اذا جابت بت حتسميها على اسمي. دي اول مرة اسمع فيها زول يسمي بتو (ماما).

على فكرة اخوك رائد وقع في مشكلة كبيرة. قفل عربيتو والمفاتيح جواها . والله المسكين مشا كداري للبيت عشان يجيب المفتاح التاني عشان يطلعنا من جواها .

ويا حشاي قبال أختم اذا صادفت ابنة خالتك امال، سلمي عليها . ولكن اذا ما لاقيتيها حسك عينك تفتحي خشمك دة .

: كنتا يا بتي داير أخت ليك قريشات جوة الظرف لكن إتذكرتهم بعد قفلتو

مع حبي امك العزيزة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nova.hooxs.com
Om tal
ــــــــــــــــــــــ
avatar

عدد الرسائل : 173
الدوله : Sudan
الاوسمه :
رقم العضوية : 25
تاريخ التسجيل : 10/04/2008

مُساهمةموضوع: رد: جواب من محسيه لي بتها‏   الأحد أبريل 13, 2008 4:16 am

ياخي لكن انا اول مرة اعرف اسلوب المحس
بالغت لكن والله ما قايلاهم كده ياخ ناس السودان ديل
حلوين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جواب من محسيه لي بتها‏
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الاقسام العامة :: ملتقي نوفا الترفيهي-
انتقل الى: